Stranda kommune

Fjord, fjell og verdiskaping.

Stranda kommune ligg på Sunnmøre i Møre og Romsdal og omfattar områda rundt Storfjorden, Sunnylvsfjorden og Geirangerfjorden. Med Geirangerfjorden på UNESCO si verdsarvliste er kommunen kjend for storslått natur og sterke tradisjonar innan reiseliv og friluftsliv.

Stranda er samstundes ein viktig industrikommune med eit variert næringsliv. Næringsmiddelindustrien står sterkt, saman med landbruk, reiseliv og ei rekkje små og mellomstore verksemder som skaper verdiar og arbeidsplassar.

Gjennom medlemskap i Vest-Norges Brusselkontor styrkjer Stranda kommune koplinga til Europa og får tilgang til innsikt, nettverk og moglegheiter for samarbeid som kjem både lokalsamfunnet og næringslivet til gode.

Les meir på www.stranda.kommune.no.