Ullensvang er siste tilskudd i VNB-nettverket

Ullensvang kommune ligg vakkert til og er sjølve hjarta i Hardanger. Kommunen har omlag 11 000 innbyggjarar, der Odda er administrasjonssenter i kommunen omkransa av sterke bygder.

Kommunen er prega av sterke kontrastar og eit mangfaldig samfunns- og næringsliv. Her finn du fjord, fjell, fonn, frukt, landbruk, havbruk og verdsleiande industri i ein og samme kommune. Kommunen har ei stolt industrihistorie der vasskraft, og reinsing og foredling av metall har stått sentralt i over hundre år. I dag er Ullensvang ein framtidsretta industrikommune med stort fokus på berekraft, sirkulærøkonomi og det grøne skiftet. Med rik tilgang på rein, fornybar vasskraft ligg tilhøva godt til rette for framtidas utsleppsfrie industri og nye, grøne verdikjede.

Det var stort fleirtal for medlemskapet. Både EU-motstandarar og EU-tilhengarar var tydlege på at medlemskapet vil vera nyttig. Ullensvang kommune er ein stor eksportkommune med særleg høg verdiskaping. Fleire bedrifter som t.d. Zinkprodusenten Boliden Odda har Europeiske kundar som sine desidert største. I tillegg er vi ein stor reiselivskommune, landbrukskommune og havbrukskommune. Vi er samstundes er vi Sør-Norges største kommune med to store nasjonalparkar. Vi har ei målsetting om å bruka medlemskapet aktivt slik at det vert mest mogleg nyttig for lokalsamfunnet. Vi håpar medlemskapet vil auka kunnskapen om viktige spørsmål for kommunen vår.

– Roald Aga Haug, ordførar

Ullensvang er også landets største fruktkommune. Regionen har dei siste åra opplevd ein formidabel renessanse innan handverkssider. Hardangersideren har i dag ein sterk posisjon både nasjonalt og internasjonalt med sin verna geografiske nemning.

Med naturperler som Trolltunga, Dronningstien, Låtefossen, Hardangervidda- og Folgefonna nasjonalpark, trekkjer Ullensvang til seg turistar frå heile verda kvart år. Kommunen satsar på eit berekraftig reiseliv som tek vare på naturen, samstundes som det vert lagt til rette for unike opplevingar innan kultur, mat og friluftsliv.

Direktør Audun Lysbakken seier det er ei stor glede å ta imot Vaksdal og Ullensvang som dei nyaste kommunane i VNB-fellesskapet.

Vi skal bidra til at kommunene er godt forberedt på politiske endringer på europeisk plan som får konsekvenser lokalt, for eksempel innenfor energi, næring og industri. Og vi håper å bidra til at kommunene våre kan få flere muligheter til å hente finansiering og partnere gjennom EU-programmer eller EØS-midler.